Kristallakjarnarnir tilheyra því sem kallað er tíðnilækningar og vinna á eða í orkunni.  Þeir geyma tíðni kristalla og nokkrir þeirra geyma einnig tíðni jurta, sem nýtist orku þess er kjarnana tekur. 

Ekkert efnislegt er í kjarnanum, aðeins tíðni.  Svo kjarninn geymist vel er notað koníak og okkar einstaka íslenska tæra vatn. 

Kjarnarnir hafa áhrif á fíngerðari tíðnisvið orkukerfis mannsins.  Þeir hjálpa í raun þér og orkukerfi þínu að muna það ástand sem alltaf hefur verið; fullkomnun.  Þeir tengja inn það sem þú hefur alltaf haft.  Þegar kjarnarnir byrja að rétta af orkuna og þú ferð að muna sérðu hvað er ekki í jafnvægi í lífi þínu. 

Kjarnarnir eru best fallnir til að vinna með tilfinningalegt og huglægt ójafnvægi og hafa áfhrif á tilfinningar, hugsanir, meðvitund, skoðanir og óleyst áföll sem sitja eftir í orkunni.  Oft getur fólk hins vegar fundið að þegar hugsanir og tilfinningar breytast, breytist líkamleg líðan til hins betra.